Vai in HomePage | Torna indietro

Ambito di Ricerca:La lingua locale: testi e voci

L'immaginario aliese, by Didacus 11

nr. d'ordine 1

This is Lercara Bassa, change here for Lercara Alta, Filaga, Palazzo Adriano…

‘Do not read, as children do, to amuse yourself, or like the ambitious, for the purpose of instruction. No, read in order to live.’ Gustave Flaubert.

Forsi, miegghiu, la vita, nni iava,

quannu, peggiu, parìa, c’avìa a gghiri…

A ttiempu d’esami d’ammissioni,

pi l’ambiziusi di proseguiri,

li studi, nni la scola superiori,

du’ eranu, really, li opzioni,

pi dirisi: Siemu a Lercara!

cu dda cadenza, divinuta cara,

duoppu deci anni di permanenza,

e 'un sacciu si li iorna, cci a' finiri...

O, arrietu cavaddu, a Decu Urticchiu,

cuscinu di spiccu di me’ nannu,

chi gghiava a pigghiari tabbaccu friscu,

pi li tabbaccusi di l’Alisi,

contribbuiennu a lu decrementu,

da decimila a trimmila nutrichi…

O, a la stazioni, cu la corriera,

Alia-Roccapalumma, Tornarrière…

Pua, si pigghiava, l’accelleratu,

Palermu centrali- Girgenti,

e a la prima stazzioni si scinnìa

chi sciauriava di sciuri di sùrfaru,

di lu culuri di l’agr’e duci,

d’unni, decollava, lu treninu,

Lercara, Filaga, Palazzu Adrianu…

Eppuru, c’era, ‘na terza opzioni,

a la piduna, cu lu saccuni,

cuomu surfatara e gghiurnatara…

Patri Scianna, aspittava, a la porta

di la bedda scola, di ‘na vota,

cu aria serena ed accogliente,

e, ciò nonostanti, di li perfòrmànces,

e di li contenuti culturali,

lu chiantu, mi ricordu, e li sarviati,

ammugghiati, nna ll’uovu, battutu,

di la zza Francisca,

c’avìa lu furnu, vicinu a la chiazza,

e Sant’Alfonzu cci dava chance…

E menu mali, ca li prestazioni,

grazzi a cardinali e monsignura,

tra giugnu e ottobbri, èbbiru fini,

cu l’approvazioni a proseguìri,

li studi, a la media, inferiori…

Sessanta, di anni, nn’ànnu passatu,

e d’un carusu, stamu parrannu,

di deci cannili, appena, astutati,

supra un campùtu pani di spagna,

cuom’attenuanti, a ‘na cunnanna,

la quali, si tali, avissi statu,

certamenti, m’avissi, signatu…

Inveci, mali, parrari, nun puozzu,

né di la scola, né di ddi cuozzi,

pezzi di caciu, manciati di li surci,

grovieri di , necròpoli,

minieri di lu Belgiu o di Lercara?

Né di partenzi, ‘n gruppa, a li muli,

né di treni e trenini, a vapuri,

ca cu l’aiutu di lu Signuri,

nni purtavanu a destinazioni…

Didacus
__________________________

nr. d'ordine 4

Rapparini plums urfa marmalade sandwiches

Adopt the pace of nature: her secret is patience. (Ralph Waldo Emerson)

Si gghiti a la Urfa, pi li Grutti,

zibbibbu, anzoli e cirrinciuolu,

la cuba, li thòloi e li vuòi,

e pi tutti li frutti e li prodotti

ca stu fieudu, incantatu, elargisci,

e di natura e di manifattura,

di lu Miocène a lu Dumileddùdici,

e li turisti nni puonnu fruìri,

senza bisuognu di Bed and Breakfast,

di lu Water Closed, semmai,

c’è di ringrazziari Dominiddiu,

grecu, romanu, àrabu, cristianu,

e a lu so’ disìu, starisìnni,

ca tutti chisti bounties cunsenti

a li so’ criaturi, nna li sèculi…

Ma, si a ottobbri, li Grutti, visitati:

la tholos, la sala saracina,

e susu acchianàti, malandrini,

e di li finestri, a facci di suli,

cu lu sintimientu di un Ciclopi,

osservannu lu vastu panorama,

guardati avanti, a destra e a sinistra,

uschiannu cu ll’uocchi, li delicàcies,

di vigni e pali di ficurini,

pinsannu a mustardi e vinu cuottu,

senz’altru, vi veni di taliari,

pieri d’arvulu, cu cosi chi pienninu

cuomu rappi di minna di vacca…

E si si amanti di bio e organic,

e la marmalade, fari vuòi,

e sanguiggeddi di sliced loafs,

di marchi nustrani o stranieri,

chistu è lu tiempu pi cogghiritilli:

semplici è la ricetta o la rècipe:

nun li lavàvanu li Saracini,

pi ‘un cci fari pèrdiri lu zùccaru,

un tantu di duci, a uocchiu e cruci,

e cuoci fin’a quannu ‘ncilippa…

Lu sèguitu apparteni a cosa nostra…

Cugghiti, puru, vi lu dicu ia,

si ‘un è nni mia, è nni lu zzi ‘Nnirìa…

Lu veru piccatu contro natura,

chi grida minnitta di fronti a Ddiu,

è chiddu di fari pèrdiri stu beni…

Didacus
__________________________

nr. d'ordine 2

Sea Facing Pretty Rabat Cottages

A lifetime of happiness! No man alive could bear it: it would be hell on earth. (George Bernard Shaw)

C’è ‘na casa, in via Pietro Novelli,

painter, emerito, monrealisi,

perla del Seicento Siciliano,

ca, pi’ lu sulu nomu, cara m’è,

di la strata, unni è sita, la zita,

‘na traversa di via Armando Diaz,

appriessu a la cchiù nota, via Mercato,

se non altro, picchì, cci stannu, amici,

iennu in direzioni di Cravaniu,

Vasca, Bbrivatura a lu Vuoscu,

Villa della Mimosa, Bed and Breakfast,

cu tantu di Vèndesi in mostra,

cuomu tanti casi, a lu paisi

(ca su’ cchiossà li casi ca l’Alisi!)…

Ia, la talìu, cuomu Lucia Mondella,

di lu lagu di Como, la casetta,

mentri, s’alluntana, da Lecco,

grazzi a li remi di lu barcaluoru,

unni, iutu, a stari, si nn’avissi,

si Don Abbondio, l’avissi iunciùta

cu l’amurusu, Renzo Tramaglino…

Addio monti sorgenti dall’acque……

Chista è na bella casa, a cantunera,

ca, puru, si cci pò’ la tramontana,

àvi aperta la vista di lu mari,

cu benefìciu, di la so’ influenza,

di Bonfornello e Fata Morgana

di l’ Isole Eolie, egeo-critisi…

E chi s’aspetta, la talassocrazìa,

p’accaparràrisi, siffatta casa,

o ‘n’autru Enèa chi scappa di Troia,

cu Anchise, in cuoddu e Ascaniu, pi manu,

o Diomède, Ulisse, Telèmaco,

o Arabi, Normanni, Aragonesi,

o sfollati chi viennu di Palermu,

A peste, fame et bello…Ddiu nni scansi?!...

Didacus
__________________________

nr. d'ordine 3

The Surfàra wild doctor
(Di , miedicu sarvaggiu)

Art is the great democrat, calling forth creative
genius from every sector of society, disregarding
race or religion or wealth or color. (John Kennedy)

Ora ca sciurisci l’avruchedda,

di la famigghia di l’asteraceae:

O inulus nostra, grave olens!,

sciuri di flora mediterranea,

li piecuri, curiusi, sciaurìanu,

e tutt’un firmamientu è l’avrucaru

costellatu di stiddi di menziuornu,

chi mi dici, bedda, Settembre, andiamo…

Ora in terra d’Abruzzi i miei pastori

lascian gli stazzi e vanno verso il mare…

O voce di colui che primamente

conobbe il tremolar della marina…?...

Chiàntala, lady, cu la literàcea,

arresta all’Alia, ca viriri ti fazzu,

di lu cuozzu, li stiddi di menziuornu,

di quali erva si fà la scupa,

and a lot of flora nustrana,

da cucinieri e spizziali, appreciated:

diuretica, coda cavallina,

pampini di caddu, peddi livata,

di tutti li mali, toccasana,

bestiali, lu camarruni,

pi li cristiani e pi l’armali,

menta, l’amuri t’allenta,

erva di vientu, pi li cataplàsimi,

controindicata, in casu di allergia,

a la planetaria paretaria,

acqua surfarusa, nni la naca,

ca si la peddi putissi parrari:

Ti ringrazziu, Grazziu, veramenti,

ca sta cosa, la vita, mi duna!,

cu ricunuscenza, mi dicissi…

Chi significa, amatu Gabbrieli:

Ah perché non son io co’ i miei pastori?...?

Cu gòdiri si voli la natura,

cruci e delizzi di mànnira e stazzu,

compresu lu latti di crapa,

latti di scecca e di imenta,

pi l’intolleranzi e l’allergìi,

pi Poppèa e pi’ psoriasi,

accetta la vita di la masserìa,

e di lu massaru lu corteggiamentu,

e lu zàccanu, chiazza, cci pari,

e cìciri nìuri, li zòddari.

Didacus
__________________________

Vai alle altre raccolte:

Waiting rain_Didacus

L'immaginario aliese nella poesia_1	L'immaginario aliese, by Didacus _10
L'immaginario aliese nella poesia_2	L'immaginario aliese, by Didacus _12
L'immaginario aliese, by Didacus _1	L'immaginario aliese, by Didacus _13
L'immaginario aliese, by Didacus _2	L'immaginario aliese, by Didacus _14
L'immaginario aliese, by Didacus _3	L'immaginario aliese, by Didacus _15
L'immaginario aliese, by Didacus _4	L'immaginario aliese, by Didacus _16
L'immaginario aliese, by Didacus _5	L'immaginario aliese, by Didacus _17
L'immaginario aliese, by Didacus _6	L'immaginario aliese, by Didacus _18
L'immaginario aliese, by Didacus _7
L'immaginario aliese, by Didacus _8
L'immaginario aliese, by Didacus _9

Edizione RodAlia - 12/08/2012

pubblicazione consultata 2623 volte

totale di pagine consultate 911649