Waiting for the rain… AutumnAlia alliterations

-Genuine poetry can communicate before it is understood
T.S.Eliot

Quant’è strudusa, me’ suoru, cu lu strudel,

di pie pastry e puma Bismarck,

ca, ia, fanaticu di Chiswick,

di Ugo Foscolo e Turman Green,

cuomu, idda, lu è, di l’Osterreich,

Vienna, Mozart e Salisburgo,

strudusu, puru, for my part,

lu strudel, cci chiamu, apple- pie…

Lu viecchiu Piticchiu, ti schiticchia,

uschiannu e rudiennu, cuomu un surci,

cu li du’ dienti, ‘ch’è del rimanente…’,

ca cci dissi a la nuci, a l’aricchi,

Dammi tiempu ca ti spurtusu:

O Tite tute Tati tibi tanta…’,

nni li mill’e rrutti metri quatri

di li Sauki, ca ‘un è lu Soho,

di frutti, viti e cannitu,

cu la panza, di la zza Provvidenza,

‘bellicosa’, pi ernia al ‘bellìcolo,

cuomu è chiamatu, a Siena e a Follònica,

lu nuostru muddìcu sicilianu…

E lu sgangu di nìuru pirricuni,

di ficu d’asciucari, passuluni,

la ficurina, ca nun po’ stari,

gialla, sanguigna, muscaredda,

nuci, nuciddi, pistacchi e fastuchi,

tuttu chiddu chi po’ radugnari,

l’avvocatu Lorenzu Radugna,

Canali Unu, Verdetto Finale,

nna un Ottobbri ‘c’aspiette che chiova…’,

cuomu nni canta, Pinuzzu Daniele,

bieddu cantanti, chi nn’apparteni,

‘cause di lu Regnu di li du’ Sicìli…

Nni duna l’input, nn’annaculìa,

cu’ ddu swing meridionali…

‘Qui se non fuggo, abbraccio un caporale,

colla su’ brava mazza di nocciòlo,

duro e piantato lì come un piòlo…’…

E cca la chianta, puru, la me’ musa,

scienti ca la misura di ‘distractions’

super’a chidda, di l’alliterations…

Green olives salad cum ItAlia aceto

Dicitimi, Vui, chi c’è di cchiù duci,

nni st’autunnu, funnu, chi nni luci:

piezzu di pani, bieddu passuluni,

caulu trunzutu, gnucculuni,

pregnu d’odura, culura, sapura,

di tutta la gamma di li sienzi,

et, dulcis in fundo, la sira,

di l’aridduzzi, la serenata,

senza coffi, né rinalati,

né quatati d’acqua, sdavacati,

supra la testa di l’innamuratu,

anzi, l’oduri di lu revocatu,

di quarchi parmientu di la cuntrata


Dicìtimi, Vui, chi c’è di cchiù forti,

o cuomu stuzzichinu o muzzicuni,

muccuni, mmerna, quannu ti trasi,

o a puostu di la frutta e di lu dolci,

o di pani e nuci, o cu l’anguria,

cosi, tracciabili, riconducibili,

a l’ameni campagni di Lalia,

ca si la scummiettinu cu Sclafani,

Mentimaiuri, Roccapalumma:

Suprana, in primis, Urfa, Li Listi…


Dicìtimi, Vui, chi c’è di cchiù giulivu,

sfizziusu, gaiu o coming out,

di ‘’na ‘nsalata d’alivi virdi,

agghia, cipudda, puddisinu,

pipi, spiezzi, sardi salati,

alice, libero, google, yahoo,

e un giru di uogghiu e acitu catusu,

da fari rinviniri li svinuti

ed arripigghiari l’ammusciuti,

com’era d’usu, nna li tiempi andati

di li duttura, Ippocrate e Galeno,

e di lu prufissuri Macalusu,

nna li quarti d’ura d’esercizzi,

di prontu soccorsu, prima di l’una…