Vai in HomePage | Torna indietro

Ambito di Ricerca:La lingua locale: testi e voci

L'immaginario aliese, by Didacus_17

Waiting rain_Didacus

nr. d'ordine 1

My Lady of Mienzi Simienzi…

No race can prosper till it learns that there is as much dignity
in tilling a field as in writing a poem. Booker T. Washington

O My Lady of Mienzi Simienzi,

Setti d’Ottobbri, Santuariu Alisi,

alias, Lady, of Rusariu,

a Mìnicu, apparsa, e a Caterina,

l’ideaturi e la socia futura

dell’Ordine dei Predicatori…

Bamminu, ‘n ‘mmrazza, curuna a la manu,

navata, di sinistra, in successioni,

Brasi, Franciscu and Beautiful Lucy,

nisi memoria Dìdacum fallit,

e salvu parrocchiali revolutions…

La burgisanza, è, in agitazioni:

paga, Missa, omelìa, taitù,

miennuli glassati e catalani,

intercalati da bicchirinati

di marsala e di rasoliu,

nni lu pistìu di lu post Missam,

frangendo ‘ biade ‘, ‘ con rumor di croste ‘

e usannu, all’occorrenza, lu murtaru,

tra li du’ ratori e la canonica…

Favi e furmientu, sunnu a la via,

secunnu, cuomu, culonna, cumanna,

e fin’a a Santu Paulu di Tarsu,

di Paulu, la Santa, Conversioni,

pò’ siminari favi, lu cristianu,

e si a ppuostu di bianculina e tallarò,

simina, l’appetìta, tumminìa,

si la po’ naniari fin’ a Marzu,

tiniennu presenti ca cu’ simina,

pò sperari di mètiri e liari

e pisari, nna lu Cuozzu di la Chiazza..

Above that, di l’Era Neolìtica,

quannu, La Granni Matri, era Gea…

Didacus
______________________

nr. d'ordine 3

November Suk El Barbara

‘…Before you go to sleep, Say a little prayer,…
Beautiful, Beautiful, beautiful, Beautiful boy,…’ John Lennon

‘Na sima di vientu, nun sientu, nun viu,

nna li cimi di li Saracini,

c’àbbili, scricchiatura, Sclafaniti,

scrìcchianu, nun senza quarchi rischiu…

Sulu, ‘na rama, di ficu ‘abbronzata’,

cuomu la facci di Barack Obama,

pi li Cristiani, Alisi, Natalisa,

morettina, pi li Tunisini,

pi li bieddi Persiani, ficazzana,

si movi, mossa di ‘na beccaficu,

ca po’ pisari quantu un pisu piuma…

Duòrminu, a suonnu chinu, li nirati,

duoppu, ‘na notti, passata, in bbiancu,

tra bancati, di zuccaru filatu,

bomboloni, caramilluna,

sicarri, rosa, chi sannu, di crosta,

di pani masticatu, cu li miènnuli,

pi nutriri, li cardidduzzi,

palli di gomma, niuri, Abbissini,

cu gonna, curta, di cartavelina,

l’eccetra, di fora, di crita cruda…

Zzì zzì zzì, zzì zzì zzì, la cicchitedda,

cci dici, a lu zitu: Talìa, a Cola,

in causi di tila, a lu di fora,

di lu pagghiaru, cu li du’ spasi,

a la saracina, da fari mmìria,

cu ddi bieddi, travati, di taddi,

di zabbara, di Zarbu e Mulara,

a Nuraghi e Casazzi di Sàrdara…

Li picciriddi, lu cicì, di fora,

di la fissura, di la cammisedda,

‘intinnìanu, pisciannu, a la mal’ura...

Didacus
______________________

nr. d'ordine 2

SurpharAliae Νεκροπόλεως Mementote

A cavaddu tra Cinquanta e Sessanta,

iàvamu, a la piduna, a la Surfara,

armati, tutti, di picu e di pala,

Cicciu Teriaca, ‘duca’ ed amicu,

‘na frotta, nutrita, di studentelli,

senza tanti grilli, pi la testa,

e cu la passioni, pi li cosi antichi…

Campusantu, Santuzzi, Chianchiteddi,

omonimu Villaggiu, Barbarà,

e, ccà e ddà, cuomu pilu caninu,

l’erbicedda, pi li reggii trazzeri,

e li viola, già, si prupunìa,

pi ovini e caprini, disponìbbili…

Picciuotti, arrivamu, scavati cca…

Di stu tirrazzu, diri nun puozzu,

sinnò ca era, delizia di l’uocchiu,

e ca fu manciatu di li ruspi,

ca timpi, cassàru, e muntaruozzi,

da fari rivoltari, nni la fossa,

lu bieddu Andollina, c’avìa cari,

la Surfàra, cu acqui e Casali,

tantu, quantu, l’intera Comarca,

di Castrunovu a la Intèra…

Sutta la copertura di ‘na lastra

di petra arenaria nustrana,

nna un perìmetru rettangolari

di petri squatrati, cu arti,

s’era, Giapeta, Semita, Camita,

un tipu, stinnicchiatu, vi durmìa,

cuomu scheletru, ben attrezzatu,

‘na fibbia, di ramu, pi muddicu,

‘na baccaredda, a un latu di la crozza,

cu scalanaturi, in latitudine…

Nenti di speciali, arti rudi,

muti e surdi, li superfici…

Cchiù nun vi dicu, vi lassu, in suspense:

l’intera dispensa, a la prossima vota…

Didacus
______________________

nr. d'ordine 4

SHEPHERD’S BUSH, GIGI PALACE, MARKET

Some people go to priests, others to poetry, I to my friends - Virginia Woolf

Lu miegghiu piezzu è lu spirdatu,

rèduci, friscu, di Psichiàtricu,

via Pindemonte, thirty three, PA,

di pura crita. d’arrière Matrici,

ca cu lu fici, ancora vivi,

tirannu l’acqua, a Puzzu di Mesi…

Lu Bamminieddu, di Minichedda,

apparulata a lu bieddu Luigi,

cumpari d’anieddu e di vattìsimu,

cu lu digitanti sottoscrittu,

ca, quannu, si singalià, la zza Calidda,

lu civà, cu’ muccuni, di ritu,

di chinu di ficu di lu furriatu

di li Guccione di Via di la ficu…

Bamminu, di cira, cu monitoraggiu,

pi nun squagghiari, tra lampi e vampi,

never, mancanti, a Ddiu Divinu,

o Holy Infant, o Sacramientu,

sucu d’oliva e di sarmientu,

d’unguentu d’olivastru, Estrema Unzione…

Li Re Maggi, fuoru regalu,

di li Gangi, a lu zzi Tufaniu,

a li bieddi tiempi di lu Lànnaru…

Sangiusippuzzu, di scola bagnasca,

ieràticu, ottucintiscu,

la maistra Teriaca, l’avìa,

in comodato d’uso, e Giacominu,

legitimus possessor semper fuit,

cuomu eredi di Don Dubbolinu,

beneficiali di la Chiesa Alisi...

Di la Madonna, di scola campana,

era tutrici, la levatrici,

la cara zza Giustina, ca nni fici,

assiemi a nostru Patri e a nostra Matri…

Piecuri e picurara, stazzunara,

di lu Stazzuni di la Surfara,

ca cci mancava, sulu, la parola,

pi ddu riferimentu, magistrali,

a tipi d’armali e di cristiani,

d’appartinenza a la classi sociali,

di consoci e patruna di mànnari,

da Roccapalumma, a Sclafani Bagni…

C’era, infini, un piezzu, assai raru,

di ‘onorata’ tracciabbilità,

nun sempri presenti e performanti,

ca un tali, dicìa, truvatu l’avìa,

round the Cathedral, Papiraceous Zone,

in un mircatu di Città del Capo,

c’àvi a cchi ffari, tarpàtivi l’ali,

cu South Kensington, Albert, Victoria...

Didacus
______________________

Vai alle altre raccolte:

L'immaginario aliese nella poesia_1	L'immaginario aliese, by Didacus _10
L'immaginario aliese nella poesia_2	L'immaginario aliese, by Didacus _11
L'immaginario aliese, by Didacus _1	L'immaginario aliese, by Didacus _12
L'immaginario aliese, by Didacus _2	L'immaginario aliese, by Didacus _13
L'immaginario aliese, by Didacus _3	L'immaginario aliese, by Didacus _14
L'immaginario aliese, by Didacus _4	L'immaginario aliese, by Didacus _15
L'immaginario aliese, by Didacus _5	L'immaginario aliese, by Didacus _16
L'immaginario aliese, by Didacus _6	L'immaginario aliese, by Didacus _18
L'immaginario aliese, by Didacus _7
L'immaginario aliese, by Didacus _8
L'immaginario aliese, by Didacus _9

Edizione RodAlia - 22/10/2013

pubblicazione consultata 1788 volte

totale di pagine consultate 911661