nr. d'ordine 1

Teano square
(a toponomastic proposal!)

Di sula aria Alia campassi,
si si stassi a lu cuozzu di la Chiazza,
'na vota, notu, pi li sò sasizzi,
crasti, crapetti, piecuri rinischi,
tènnira carni d' inizza grassa,
gelata, si sciuscia tramuntana...

E lu vanniaturi comunali
Carni di inizza.. vanniava in falsetto,
curriti, a la putia municipali!...

in such tone ca Mika 'un cci putissi,
lu luongu picciuttieddu libanesi
quannu Relax, take easy, ti dici...

Un'aria livava e l'autra mittìa,
a li tiempi di Pippinu Garibaldi
di Lalia, lu baldu, contadinu
ed erano movimenti di tradenti,
pali, criva, rutuna e decàlitri,
nna li musei di l'Alia, now, available...

Siemu, nna lu cuozzu di la Chiazza,
with four options, Comuni, Giurlannu,
via Silvio Pellico, Regina Elena,
Furtizza, Matrici, e Rabattieddu,
Lilici, Craparedda, Garibaldi,
e La Muntagna, acchianannu, acchianannu,
cu li nivèri e cu li masserìi
di li Cìciri e di li Sardàra...

The centre Point, unni Re 'Manueli,
viniennu di Piazza Caloriu 'Ucciuni,
cu Pippinu Garibaldi s'incontra,
di Casa di Buono provenienti,
duoppu un lunch of baked beans,
di pasta e frittedda 'un era cchiù tiempu,
Joseph Garibaldi, tempestivior,
Aliam, iterum, cum redisset,
vacchi vannu e vacchi viennu,
li Rabbatiddisi pi lu pisci scinninu
li Sant'annisi pi Cialis acchiànanu,
up and down, di Santa Rusulia,
'un mi chièdiri lu quannu e lu picchì,
saepiu, in hora, taiani odorum,
pasta squarata, iam, aere, saturo,
ia lu chiamassi Teano Square.

Didacus
__________________________

Genky Lane MemorabAlia

Di nonna Nina, la ninna nanna,
quannu annacava a me’ frati Ninni,
pi addummìscilu, nni lu menziuornu,
e gghiri, macari, a famiari lu furnu…

Sant’Antuninu, monacu parrinu,
dicìa la missa senza saristanu,
lu ciervu, cci pruvìa, l’acqua e lu vinu,
lu cuorvu cci sunava li campani…

Cci la cantava e cci l’accumpagnava,
assittata a la seggia di zabbara,
cu lu picciriddu nni la faura…

Spinciennu, cu li punti, di li piedi,
appuiati a lu peri di brascera,
pi un sulu istanti, in equilibbriu instabbili,
cci isa a la seggia li pieri davanti,
e riassistànnula arrieri su quattru,
da àbbili terziaria francescana,
cci batti lu tiempu a la cantilena,
senza timuri di stularalla,
ca tantu idda cunzava e scunsava,
e di massarizzi, nn’avìa, ‘na sarma,
di terra, a lu suli, sulu du’ tùmmina…

Di lu swing chi nni vinìa,
doppiu vantaggiu, la nanna, nn’avìa,
ca tantu tiempu ‘un avìa p’annacari,
di quannu lu nannu partì pi Bùffalu
(“There was a soldier…”,
“in the heart of …”,
canta , in You Tube, the king of reggae,
la bonarma di Bob Marley):
unu, addummìsciri lu picciriddu,
cu l’annacata e la Missa cantata,
dui, cu lu cuorvu e cu lu ciervu,
a Sant’Antuninu accumpagnàrisi…

Novi nutrichi, tra figghi e niputi,
Sant’Antuninu cci avìa addummisciutu,
e quannu annacava a frati Ninni,
vuliennu usari un viecchiu traslatu,
di sei, quattru figghi, cci avìa addormentatu…

Sant’Antuninu, monacu parrinu,
dicìa la Missa senza saristanu,
lu ciervu, cci pruvìa, l’acqua e lu vinu,
lu cuorvu cci sunava li campani…

Didacus
__________________________

Natali luntani di l'ultimu millenniu


Nni 'na sirata di sta longa estati
ca a chidda di lu Santu si jungi
ca quannu a Lalia arriva, a cavaddu,
lu pajsanu lu vinu sprunedda
e a viviri ci duna ni la bàccara,
stava pinzannu a quantu dici 'u muottu
di la citati di Montimajuri:
" Duopu li Muorti la nivi arrietu i puorti..,"
ca d'un cristianu mi vitti scumpunutu,
chi 'un canuscìu, ma notu mi parsi
cuomu na facci di luna, 'n'austu...

Ia sugnu Pinu, figghiu di Libbuoriu,
avìamu casa arrietu a la Matrici,
nun po' pinzari di nun ricurdari,
pi' via di lu mistieri di me' patri,
ora appannaggiu di la Parmalàt
e d'autri zammatàra nazzionali...

Ma lu nostro prodottu era speciali,
picchì latti di crapa canusciuta,
sterilizzatu cu' la tramuntana,
c'ammansava batteri e cristiani,
prima di la scoperta di Pasteur,
e si purtava puru a domiciliu,
cuomu lu pàrracu, corpus Dòmini...

Di Savona, unni sugnu da tant'anni,
si vaju a Marsiglia, passannu li confini,
pi' squisiti motivi culturali,
accattu Roquefort e Camembert,
di vacca lu primu, di piécura, l'autru,
ma pi' un semplici sfizziu sciovinisticu,
accattu puru lu caciu di crapa..."

O caro Pinu. a tìa nun canùsciu?! ...
Tu si' l'idolu di la me' prima etàti!...

Ti ricordi, d'arrietu a la Matrici,
ca, tu, ammastratu a tirari a li crapi,
o a l'aciddazzi di Cuozzu di cuorvu,
puru eri bravu a tirari ciacuddi,
in verticali, supra la Matrici?!...

Quannu lu Natali era a li porti,
sbirsavamu p'arrietu a la Matrici,
a fari crita, cuomu stazzunara,
pi' pupi e armaluzzi di Presepiu...

C'eranu allura ni la cumpagnia
di l'artisti c'avìanu ad operari
figghi di masci e figghi di burgìsi,
carusi, c'ora sunnu uomini "illustri" !...

Cuomu. nun mi ricuordu, caru Chinu,
cuomu lu chinu di li vurciddata,
chi si tiravanu puru a li ziti,
a la Matrici, ni la Notti Santa?!...

Lassava li crapi supra lu cuozzu
pi' vìriri nasciri lu Bamminu
e pùa dari na manu a fari fuocu,
na lu chianu di la Chiesa cu' l'amici,
cuomu lu vuschieri avanti a la Grutta:
Autru nun aju, o Divinu nutricu,
ia fazzu bieddu fuocu e v'arrichìu,
cu' sti du' manni di ligna di ficu!..."

'na li luonghi cunti di lì nanniculi,
c'attuornu ni tinìanu a la brascera,
e, cu' ddi cari manu rinsiccuti,
accarizzàvanu paroli santi..."

Didacus
__________________________

La nuvena di lu Bamminieddu

I remember latina Nuvena,
nine days before Holy Night,
every afternoon, dark before,
a little basket, full of straw,
on presbyterial balustrade,
a Baby Boy from Ortisèi,
between year nineteen forty five
and the year fifty four…

Stabat Infant from Ortisèi,
and little boys and little girls,
singing, in chorus, red the cheeks
Regem venturum… regem venturum…
Dominum… Dominum… Adoremus
Bambinello, in acero, da Ortisèi
We sung, in chorus, boys and girls,
little boys, little girls,
et duo cantores Regem venturum…
Dominum Dominum… recantitabant…

E ia, fratuzzu di cincu’, se’ anni,
nni’ na famigghia di già quattro figghi,
lu Bamminieddu di la balaustrata,
fratuzzu di Chiddu a mmia mi parìa
ca patri Cirritu ventùrum dicìa…

Didacus
__________________________