|
nr. d'ordine 1
Miss Barbara, sine aetate, Praemium
Beautiful,
beautiful, ageless,
Barbara,
pi nnenti, laria,
centenaria,
etsi,
ti viu e ti
suonnu, pi li vii
di Lalia
pi surchi e suks,
li notti
d’estati,
tra li
Chianchiteddi e la
Surfara,
tra ‘Urfa,
Bacuccu e
Succhecchi,
e sientu l’oduri
di arsu e
surfaru,
cu facci di
vecchia e uocchi
d’azzuolu,
tomato,cipudda,
anchoves,
pecorino,
chi pistanu li
pieri pi lu
scrinning
di ‘na dicina di
generazioni,
pi risaliri a la
copula prima
di sta felici
proposizzioni…
Nna
Frivaru e nna
Marzu, ‘un
t’àv’a viriri,
lu picuraru,
c’ammarra, li
piecuri,
mentri tu
cuogghi, apruocchi e
cardedda,
pi trazzeri,
viola e vaneddi,
picchì, si no, li
piecuri, si
scorda,
autru chi
brudacchiati di
verdura,
si ‘n mmucca, cci
torna, lu
sapuri
di lu bruoru,
d’antica,
iaddina,
chi la bonarma di
la nanna
Lina,
cucìa, nni la
tannura, di la
mànnira,
e fìcatu e
gisieri e
stigghiuleddi,
prima di li tri
uri, si fuìa,
la furchetta,
appizzannu, a
cchiù riprisi,
nni l’affumata
pignata di
crita…
Nna Marzu e
nn’Aprili, ‘un
t’av’a vìriri,
lu viddanu, nna
lu maisi,
ca cci pàrinu,
zappitti, li
to’ tacchi,
e lu mussu,
pittatu, di russu,
e ogni troffa,
cci pari,
iazzu……
Didacus
__________________________
nr.
d'ordine 3
Himera Thermae - Akragas 3 - 0
I don’t think of the past. The only thing that matters is
the overlasting present. W. Sommerset Maugham.
Eranu l’anni, cinquanta, dopu Cristu,
quannu, chiddi, di li cincu’ essi
(siemu studenti, sempri, senza sordi),
puru, nun mancannu, li supporti,
si, propia, quarchi lira, n’avanzava,
in Piazza Bagni, spisa facìamu…
E quannu, Termini, in casa, iucava,
Termitana o Stella del mare,
facìamu, tifu, di la Muntagnedda,
e di ddà, Forza Termini, gridàvamu,
all’unìsono, cu Paladino,
c’avìa, la tribuna, pi’ megàfonu,
e incuraggiava li beniamini:
Bombardi, Tassoni, Briganti
De Conciliis, Marrali, Geraci
Si, pùa, si rapìanu, li porti,
pi cunfurtari la Termitana,
di la Muntagnedda, a la marina,
in un fiat, li iammi, nni purtàvanu
e li pieri, nna l’eccetra, nn’arrivàvanu…
E ‘n’autra chance, ancora, n’arristava,
pi’ presenziari, gratis et amore…,
quannu la Termitana s’allenava,
nna lu mienzu di la simana…
Lu Terracchiu, era, terra nullìus,
unni li piscatura carcarcagnàvanu,
a la nuda e a piedi scausi,
e, di piattu, di cuoddu e di punta,
parìa ca cci l’avìanu cu li palli,
e, puru, nui, li scarpi, nni livàvamu
s’èramu chiamati a rimpiazzari
quarchi piscaturi infortunatu,
pi ‘na pidata, cu lu itu granni,
alluce, dittu, in tricolore…
Si Termini, iucava, fori casa,
all’ ura, di lu match, di li brami,
partìamo, in frotta, pi Piazza La Masa,
davanti, a ‘na casa, aristocràtica,
chi dispunìa, di un telefonu d’època…
C’era la sedi di la Termitana?!...
Sessant’anni nun su’ ‘na minchiata…
E nun vi dicu lu summovimientu,
quannu, a un barcuni, un deus ex màchina,
abbrivirava la nostra suspense,
circa l’andamentu, ragguàgghiànnuni,
di la partita, tra li du’ tiempi…
E nun vi dicu chi succidìa,
dopu lu novantesimu minuto…
Didacus
__________________________
|
nr. d'ordine 2
Sauki Alpha point puzzle
‘There
is no
pain you are receding
A
distant
ship's smoke on the horizon’…Pink Floyd
Si Silvio
abblassi la lingua di
Ciullo,
o Cielo d’Álcamo,
o Cielo dal Camo,
pur sempre, gran poeta siciliano,
troppu forti, nna lu Contrasto,
chi Danti
cita,
nni la Divina,
cuomu, è citatu, lu stessu Angiulinu,
da chiddu chi capìu di l’esegèsi
di l’esegèta Roberto
Benigni,
inveci di parrari meneghino
e preferiri la milanisa,
a l’internazionali pasta
e sardi,
cu, sempri, tracciabili, ingredienti,
e favorita da Garibaldi,
duoppu l’Anìta, pani e tumazzu,
e vinu chi teni lu tramazzu,
da Bonaparti,
Pipino il Breve,
Carlo
Magno, Carlo
D’Angiò,
lu
su’ Cola, Cola de
Rienzi,
picchì, ubicumque,
ti la truvàvanu,
e a Santa ‘Lena
e a Caprera,
‘un cci mancannu lu bieddu tiempu
e l’ingredienti di stu piattu forti
di la dieta mediterranea,
iddi, in persona, si la priparàvanu…
E nun vi dicu cuomu cci piaci
(lu presenti, storicu, è, cca, d’òbbligu,
ca si cca nun lu fussi, unni sarìa?),
la facci di vecchia,
nna lu furnu a lligna,
cu cipudda e salsa di buttigghia,
chi sapi, ‘anticchia, di salicìlicu,
dalla preistoria, terapèuticu,
caciu cavallu, olio d’oliva…
La lingua di Catullu
nun cci manca,
ca ‘un àvi uossu e rumpi l’ossa,
né la uccuzza di Matteo
Renzi,
degli Uguccione
e dei Guicciardini,
né lu sorrisu di Monna
Lisa,
nonostante, il Travaglio,
doloroso…
Si Silvio abblassi la
lingua di Ciullo,
Cielo
d’Alcamo, Cielo
dal Càmo,
a chiddi chi, almenu, da vint’anni,
nun distinguiennu tra susca e canigghia,
tròvanu, intelligenti, li scemenzi,
sulu si ditti a ddannu di Berluska,
Chi
v’à fattu, o
figghi di Lupa,
addattati da Acca
Larenzia,
ca
cci
l’aviti cu me’
figghia
Ciulla?!...,
in maniera pulita, cci dicissi…
Didacus
__________________________
nr.
d'ordine 4
Fluctualia frittedda streaming
(Supongo que este es el momento para rendirse…)
Supongo ca chista è l’ura d’arrènnisi
a la ducizza di la frittedda,
ca pua è chidda di la bell’Alia,
unni, a l’addìa, si duna, la bella…
Cu cipuddetta e oliu extravèrgine,
degno di l’uogghiu di Sant’Oliva,
vergine e martire palermitana,
e di la giarra di papa Bergoglio,
cugghiennu a volu un last-mìnute
pi fari ‘na vulata a lu paisi,
senza dillu a lu mièdicu di basi,
calcolannu ca chista Dumìnica,
è terza o secunna di frittedda…
E fate del tutto, in linea di massima,
d’accumpagnarla cu pani e pasta,
di farina di tumminìa,
e si c’è un pocu di dibbulizza,
cupunàtila, cu un uovu di pipìa
o cu cincu’, di padovana…
Si quarchi duminica avissi a satari,
a vui, nun manca, di rimediari,
a vugghiunieddu o
spicchiati a du’ voti,
di fàrivi fari, li sacri favi,
sacri a Pitagora e a tutta la Magna,
o vuautri stessi, vi li priparati,
si un self-catering, all’Alia, tinìti…
S’è la secunna o la terza Dumìnica,
di Maiu, devotu e profumatu,
don’t forget, Lu Crucifissu,
di lu Ratoriu, di lu Sacramientu
o Chiddu, puru, di Marcatubiancu,
e cìciri caliati, a fini festa…
O si propia a Torinu, arristati,
o a Torontu o a Vancouver,
o a Cècina o a Pachino,
a lu stream of consciousness, abbannunàtivi,
secunnu li modi Woolf Virginia,
di la zza Vicenza, di nonna Nina,
spicchiannu favi, piseddi, a la Urfa,
a la Muntagna, a Puzzu di Mesi,
e, pi ‘na picca, appinnicàtivi…
La zza Pippina, pua, a la Muntagna,
e, pi li tiempi, nun esagerava,
picchì, quannu, a menziernu, s’arrivava,
cu ddi susùti, di arba sìcula
(E chi durmisti, cu lu culu, scupiertu?!...),
nun si cci virìa, cchiù, di l’uocchi…
‘Na para, d’ova,
d’oca, cci calava..
Didacus
__________________________
|
