nr.
d'ordine 1
Jencu Gooch Court Barbican Hill
Fiesta Backgrounds…
We are all immigrants from
our childhoods….
Sigmund Freud
Pi la Madonna, cu mmìa, Ti vuogghiu,
di pinni di iaddina ti cummuogghiu,
pampini larghi, fitta pruvina…
Bruoru, ti dugnu, cu la pastina,
di lu colesterolu, foottyteen,
saliata, cu grondanti pecorinu…
Pi La Madonna, a pranzu, ti vuogghiu,
nna lu curtigghiu, adiacenti, a via Diaz,
a ttìa, Castrinuvisi, cu lu mulu,
cu li viertuli, chini di verdura,
nustrani, mulinciani, tunnisini,
ca pi l’alisi si’ cchiù d’u’ zianu:
Santina, c’è lu ziu, di Castrunovu!...
Pumadoru, tri chila, cientu liri…,
e tinnirumi, pi lu picchiu pacchiu…
Pua c’è puru lu cammaratisi:
O Sampianu!..., pi li me’ aricchiuzzi,
O sali biancu, pi li cchiù grannuzzi…
Lu zzi Angiulinu, mentimaiurisi,
parenti, strittu, di nonna topònima,
alisa, di Pollina, Montemaggiore…
‘Ncilò, è, all’Alia, nna lu spissuliddu,
e ghinchi, d’armali, lu curtigghiu,
muli, piecuri, crapi, purcidduzzi,
in tubes di sàlaciu, figghi di troia,
utri, unchi, di uogghiu d’oliva…
Aiu ogghiu bonu, paisani!..,
cu ossequiu, a la rigoliana teoria,
di la mobilità di li dittonghi…
All’ Alia, ti vuogghiu, tonchi, tonchi,
cu la zza Nina e la zza Mannina,
una specie, diciemu, di Marta e Maria,
binomi frequenti a Rabat Hill,
Marantonia, massara, Giuseppina,
li suoru schietti di Patri Iachinu…
Vicinu a mmia, a tavula, ti vuogghiu:
lu bruoru è prontu, nni la quarara,
supra lu pipi gas, grassu pipìu,
senza problemi, di colesterolu,
cci manca sulu, la ficatalata,
gisieri , cori, ficatu, stigghioli,
c’a pranzu, ‘un cci azrivanu mai…
Cu mmia ti vuogghiu, pi la Madonna,
pi fàrimi largu, vicinu a ttia,
a un tavulinu, fattu, pi dùdici,
e li scuppanti, su’ cchiù di vinti…,
ca quannu, papy, spartìa lu muluni,
ia, era, ancora, nna lu siggiuluni,
di la cucurbitacea, lu volumi,
cchiù granni, di lu tavulu, parìa:
curtu di iammi, adattu, a l’assedianti,
a trona e a saitti, tetràgono,
dicissi Danti, poeta sovrano,
arti povera, fini Ottucientu,
di scola lamentoliana,
putissi diri c’ancora cci manciu,
si càrmina, panem, darent…
Didacus
_____________________
nr.
d'ordine 3
Bunga Bunga, Suspenses, Big Bang…
Caminavamu tra fila di cactus,
lanceolatae, sciuruti, senza pùncini,
puru si c’era tanta genti, in carni…
C’éranu, Circe, Armida, Erminia,
Calipso, Astolfo, Medoro,
li du’ Diòscuri, Càstore e Pòlluce,
Aiace Telamonio, Oilèo,
le Veneri di Milo e di Cnido,
Kessler, sisters, Alice ed Ellen,
Adso da Melk, Cino da Pistoia…
Bunga Bunga, Tunca, suspenses, nostalgy..
Arbitro, Linnaeo, procedabàmus,
inter opuntias, pungenti, muscarieddi,
giallo-arancione, rossi, sanguigni…
Noi che tignemmo il mondo di sanguigno…
Tra àgavi e taddi, puntuti, andàbamos,
compenetrati di li somiglianzi
e di, sempri, probabili, spintuna...
Cu pùnciri si senti, favorissi,
quarcunu, avanza, di ‘na gigghiata,
è un certu Peppi, mussumulisi,
chi cugghìa finucchieddi di montagna,
c’avìanu datu, arrieri, cu st’acquati,
pi fàrisi la pasta, cu li sardi,
o, a limiti,’na bona milanisa…
Didacus
_____________________
|
nr.
d'ordine 2
Sicelides musae, paulo
malora canamus! Virgilio
‘Regina Coeli’ cantando sì dolce
Che mai da me non si partì ‘l
diletto. Dante
Regina coeli laetare alleluia
‘Regina Coeli, laetare, alleluia,
Papa Franciscu, lu cantu, rinfrisca,
di alta memoria medievali,
gregorianu, franciscu, dantiscu,
di li barcunati vaticani,
peana di paci, orgogliu e amuri,
pi cu’ ama cantari a Maria,
Mariae, conceptae, sine peccato,
Matri nostra e Matri di Ddiu,
pi’ amuri, ‘ncarnàtusi, di l’omu…
Antifona mariana a tutti, cara,
‘n mmucca a Bergogliu, di ducizza rara…
Regina Coeli, laetare alleluia,
quia quem meruisti, portare, alleluia…
E quali matri, di li nuostri casi,
disiatu,’un avissi di purtàriTi,
na li so’ vìsceri, pi novi misi?!...
Resurrexit, sicut dixit…
Ora pro nobis Deum, alleluia
Didacus
_____________________
nr.
d'ordine 4
Aunt Justine’s,
Rabat, Transubstantiations
Lu muortu, ‘un è muortu, e già li parienti,
pi’ quarchi, mitatedda, si sciarrìanu…
Lu mustu, ‘un è mustu, mancu ammazzatu,
e già, nn’ Austu, lu caru avvocatu,
già penza a parmientu e revocatu,
vinnigna e pistatina di racina…
O la nostra, bedda, zza Giustina,
ca, nna lu trenta, quaranta e cinquanta,
di decimila, favorìa, li nasciti,
di masculiddi e sucu di sarmientu,
disinfettante, e, veru, anestètico…
E quannu eranu àbbili a marciari,
cu scarpuna di cuoriu, made in Alia,
nna lu so’ parmientu, s’allenavanu,
notti e gghiournu, a ttiempu di vinnigna,
lustru di luna e suli, di iuornu,
a pistari racina, pleno itìnere,
At Rabbatieddu, Diaz, Armando,
Back Street, Francesco Riso…
Pista e ripista, stracchi, alla fine,
scinnianu di li pili e di li vaschi,
e di la pigiatura, inchìanu, li tini,
pi lu preludiu di lu lu revocatu,
e senza dari cuntu a l’avvocatu,
chi cci l’avìa, cu l’ètimu latinu,
currìanu, pi’ l’autra, carriata,
di Càvaru, Sauchi, Chianchiteddi,
Chianti di Rumanu, Parmientieddi,
insediamenti, paleo-neolìtici…
Di Friddi e Friddiceddi nni vinìanu,
cuomu, Lu Larcarisi, accussì ‘ntisu,
cu muli e scecchi, di tunedda, càrrichi…
Oh, a bbassìa, mi duna, ‘na rappa,
ia sugnu figghiu , di Manciaracina…
Nun t’accosciari, cu lu tiempu iutu,
di la revocatio, ‘un ti nni fari…
Maièutica, parmenta, revocata,
muscatiddara, sucu di sarmientu,
ca fari cci sapìa la zza Giustina,
sunnu, in azzioni, principi di vita,
et elementa Transubstantiationis…
Didacus
_____________________
|
