nr.
d'ordine 1
AequinoctiAliaembarrassments…
Cuogghi la ficu, cu lu piricuddu,
di ficu d’asciucari staiu parrannu,
e trasi la gistra prima ca si vagna,
si nni vo’ fari giusti passuluna,
pi lu cumpanaticu e lu chinu
di urciddata di ficu merlettati…
Li spiricuddati, ti li sorbi,
cuomu sorvi o niespuli nuostri,
attentu a zuccaru, a colesterolu,
e a l’efficienza di panza e piloru,
tenue, crasso et sfintere,
ad conflagrationes vitandas,
constipationes et similia…
Cuogghi li ficurini, cu lu ‘nguantu,
gialli, sanguigni, muscarieddi,
e Sua Altezza Reali, cu lu cuoppu,
usannu ‘virtute e canoscenza’
e l’astuzia di Ulisse cu Troiani,
manu, sarvannu, palas, opuntias,
ac expers sis maiueticae,
ut Socratis mater Athenis,
partu naturali, non caesareo,
utens caesoiis, ad sbaphandum…
Didacus
___________________
nr.
d'ordine 3
Canigghiuotu
Rabatieddu Place
Si Innaru ‘un gninnarìa,
c’è Frivaru ca malu pensa;
sutta l’acqua, c’è fami,
sutta la nivi, c’è pani;
pani pi’ li Cristiani e Mussulmani
e lu canigghiuottu, pi’ lu cani;
Nina, stu canigghiuottu, a lu rinfurnu!
ca Ginu aspetta a la menza porta,
e Turiddu, già, lu sientu, a cavaddu,
a lu sceccu, mirrinu, spilatu,
la zza Calidda, amata, cci dicìa,
a la nanna, lu pani, sfurnanti…
Fragranti, cruduozzu, stuzzicusu,
di meli, oduri, d’oru, culuri,
accattivanti, pi’ granni e armusci,
ammiccanti, a sapura, vietati,
di lu furnu niscìa lu canigghiuottu,
in quattru e quattr’uottu, traslatu,
a l’ amicu carissimu e quatrùpidi,
lassannu, l’astanti, allammicati,
spinnati, di un crònicu, allammicu
cu, periculu, pi’ l’aricchiuzza, di lu cori…
Frustra, nna li fetti biscottati,
crackers, integrali e derivati,
di ‘na premiata ditta, innominata,
io nel pensier mi fingo, lu sapuri…
Didacus
_____________________
|
nr.
d'ordine 2
Yellow
Harmenia House
Yellow Harmenia House with prieula,
at brave face of sun, upon Partridge,
opposite Cammarata and Akragas…
Pitrinu mi dici ca lu patruni,
pater familias di ben setti figghi,
dui a Lalia e cincu extra moenia,
ormai anzianuliddu e casalingu,
cogghi racina di lu barcuni,
uva da tavula di mensa reali,
sfuttutu di la vurpi esofedriana,
nomdum est matura, nolo acerbam…,
e ad ottobbri si fa la vinnigna
di un fruttu semsibbili a la utti,
aspittannu la prole tuttu l’annu,
di presenza disiata generosa,
nna li festi e a tiempu di sarsa,
Didacus
_________________
nr.
d'ordine 4
Aliante Diem
Tertium…Flight
Aliante
tertium diem Idus Iunias,
Sciuri di menziuornu, paparini,
sulu, pi lu suonnu, Consentiti,
oduri di spezzatinu di patati,
cu carni, cipudda e zafarana,
nni stu strudusu fini di Maiu
e iniziu di simana, paisana,
iris azzurri, in gigghiati e cunsarri,
pitosfori sciuruti e cu li palli,
chi nun fannu rimpiangiri li zagari
di la Zisa e di Acqua de’ Corsari,
li Turchi, Mamma mia, Mamma mia,
barcu e marvuni, nna li barcunati,
peri di pira, nna li zaffinati,
vaccinella, spatuni, Massachusetts,
sciuruti, nna Aprili e già cu drupa,
frutti di marturana, Ortisei,
Caravaggio, Fattori, Correggio,
scusati, genti, lu deragliamientu
di la locomotiva di li sienzi
chi sunnu nna lu spissu fuorvianti
ac sepius pigghianu abbagghi…
Tuttu mi porta a lu Quarantasei
quannu ancora eramu carusi
e cariri vutari nni paria,
turnavamu allafati nna li casi,
panicuottu, galletti, zabbinati,
li galletti eranu chiddi di la guerra,
favi cuotti, pitirri, cavulati,
a gara nni inchianu la ozza,
nanni, ziani, vicini di casa…
Didacus
__________________
|
