| Torna indietro |
retaggio delle genti.com. divulgazione culturale su particolari aspetti di località e di vissuta umanità. |
|||
|
Comunità . Località: ALIA (Sicilia) |
||||
Ambito di Ricerca:Le festività e le tradizioni religiose:::  |
||||
| Lu santu rusariu 'n sicilianu | ||||
 
copia dell'originale Lu santu rusariu 'n sicilianu MISTERI GAUDIUSI 1° Diu vi manna l'ambasciata, di l'Arcancilu purtata, pì lu figghiu ri Diu Pathri...; e Maria fu fatta mathri. (Mathri e Vergine Maria mi ni cunsolu assai cu tia) (1) 2° Vi partistivu cu' fretta p'unni S. Elisabetta; S. Ciuvanni un era natu e pì Vui santificatu (1) 3° 'Nta n'affritta manciatura parturiu, sta gran Signura, a Gesuzzu Bammineddu 'n menzu' un boi e n'asineddhu. (1) 4° Turtureddi e palummeddhi, comu l'authri puvireddhi; a la Chiesa Lu purtastivu e lu figghiu cì offristivu (1) 5° A Gesuzzu Lu pirdistivu, Lu circastivu e Lu viristivu chi 'nsignava la Dutthrina cù modestia Divina. (1) MISTERI DULURUSI 1° Di la Mathri si spartìu, Gesù all'ortu si 'nni iu, e priannu pì thri uri, mannò sanggu pì suduri. (Mathri e Vergine Maria la vostra pena 'ncori a mia! Cara Mathri ri duluri, facìtimi chianciri i mè erruri) (2) 2° A Gesuzzu l'attaccaru 'nni Pilatu lu purtaru; e ci rettiru lignati.. tanti e tanti vastunati. (2) 3° Re di burla 'ncurunatu cu 'na canna sbriugnatu; chi dulura 'n testa prova: foru spini comu chiova! (2) 4° A la morti è cundannatu, com'un lathru scilliratu; e la cruci allegru porta, nuddhu c'è chi lu cunforta. (2) 5° A la vista ri la mathri, crucifissu cu ddu lathri, muriu a forza ri duluri: lu so mantu è redenturi. (2) MISTERI GLURIUSI 1° Cristu già risuscitò, di la morti thriunfò; gluriusu e thriunfanti scarzarò li pathri santi. (Mathri e Vergini Maria mi rallegru assai cu tia) (3) 2° Doppu po' 40 iorna di la Pasqua 'n Celu torna, di la terra s'alluntana Gesù Cristu 'ncelu acchiana. (3) 3° Aspittavanu 'ncumpagnia ri l'Apostuli e Maria, a lu Spiritu ri Diu chi di 'ncelu ci scinniu. (3) 4° Maria chiù nu 'mputia stari supra 'a terra ad aspittari: 'nmenzu l'ancili fu assunta, Arma e corpu 'ncelu è ghiunta. (3) 5° A Maria cù soni e canti festa ficiru li santi; 'ncurunata fu regina di la trinità divina … dalle “antiche carte” dell'aliese Mariella Di Sclafani |
||||
| Edizione RodAlia - 16/11/2010 |
||||
pubblicazione consultata 1643 volte
|
||||
totale di pagine consultate
911861
|
||||